講真其實係英國第1年讀書個陣其實冇咩唔習慣(其實而家只係第二年),除了每天早午晚3餐都得吃薯仔之外……
可能因為當時我的室友剛好係一位香港人,同我一樣,超感動
我地兩個都係吃貨,但係學期開始個陣我地都冇咩點用過廚房,因為太懶
雖然自已本身超鐘意整野食,但係去到英國之後因為設備太少所以都放低個打蛋器好耐
而家終於有機會比我拎返起起佢整野食啦
大家都應該知道英國個邊d物價比較貴right?(其實唔係比較貴係超貴囉)
所以成個宿舍d人都好環保食得就食過期幾日都照食(包括英國學生)
因為太環保唧關係所以我成日都會幫佢地將d就過期或者擺係到較耐唧野整成甜品比佢地食
而今次個雪櫃得返兩隻雞蛋,但係點都冇人食(每次都唔知點解總要留少少野到過期先食)
所以就整蛋白餅Meringue Kisses 比佢地
呢種餅外表脆脆的,入面好似棉花糖咁,入口即溶
食過d人都忍唔住不停咁食
!!!!!注意呢款餅乾係極甜,但係大家都應該知道英國人比較鐘意甜食,至少我個班室友係一班蟻
材料真係簡單到不得了
1.雞蛋3隻大約90g(d蛋黃遲d會教埋點用)
2.砂糖180g
3.雲呢拿香油幾滴(可以落可以唔落)
冇啦!就係咁多
步驟:
1.將d砂糖拎去焗到微溫:大約用100度焗10分鐘左右,大約少少熱手就好啦千其唔好焗溶佢
2.打起d蛋白,打到少少發泡,如圖
3.加一半份量砂糖,加完砂糖之後d蛋白會發大,而且d泡泡會實d(有d難形容)
4.等d蛋白可以拉起定住一陣然後跌返落就可以加哂所有砂糖同埋d雲呢拿香油繼續打
5.最後打到定住哂就好收手啦,唔好唧話就會失敗架啦!!!
6.最好玩個part擠花(其實隨意就得)
7.完成(我明白呢d個樣有d怪咁係因為呢d蛋白糖我唔得放係密實盒到同埋己經放了3日)
小貼示
1.焗糖個陣最好每5分鐘拎出拎攪一攪之後先再焗,避免焗焦
2.蛋白的大少由你決定,所以焗個時自已要控制時間,熟的蛋白餅不會黐住牛油紙,如果表面熟咁就降低溫度焗,如果好似我部焗爐咁冇得再降低溫度就係上面放張牛油紙繼續焗就ok啦
3.如果唔鐘意蛋個d腥味但係又冇雲呢拿香油,咁就可以落可可粉、綠茶粉……(個人不喜歡蛋腥味)
4.儘快食用,一個禮拜內就好食哂啦
5.一定要放係密實盒一定要放係密實盒一定要放係密實盒(因為好重要所以要講3次(^w^)
好啦蛋白餅係唔係超簡單呢!我保證90%人唔會失敗,所以留學生的你或者唔係留學生都一定要快d試下啦
我會儘快打下一個食譜
想要咩食譜都可以留言話比我知^3^
CoCo第一次打食譜有d語論無次,請見諒
留言列表